Tampung Sempalai Kenang

Sempalai Kenang...

Nuju bala kaban belayan ba sitak Batang Ai..

Nyaalai bala Aya…

Enti nyema jako aku bisi kelanjur labuh tejula

Anang kita beguai ngedar ka jari kiba

muka pencha ngenggam lengan

Engka icha kitai tepeda ke seraka pemansang orang

Nyaalai bala ibu bakanya mega...

Enti nyema jaku aku tu bisi saru...

Anang mega kita beguai nganu

pulai naban ke uchu lari ke penepan

Engka icha kitai sebuat tetemu ka tungkat lalau engkalan

Nya alai bala menyadi pen bakanya mega....

Enti nyema serbana ati aku bisi ngasuh kita begedi

Anang mega kita lalu ngeransi ngedar ka jari

Engka icha kitai bansa nemu ngena kuasa Sunting Jari

Bisi ninga kitai di Batang Ai benong nyabung besai

Bala Iban teguran, bala menteri enggau YB pen nangi

Takut ke diri alah tuie ba Burik Jelayan manuk Barisan

Besatup enggau manuk punka laki menua Engkari,

kebat sulat taji ringkang…

Demalam aku bemimpi asai ke dibai orang nurun nyabung besai

Dimenua Batang Ai tanah landai, pun penyankai bansa Iban ke berimba temuda,

ngerumpang batang, berambun ke nyawa matak serang....

Datai di puak tengah menalan, dia ku ninjau meda mensia cukup beraban. Bisi nya laut, bisi ga cina tang maioh ga bansa Iban.

Sida chapuh bekelikuh ke entaroh, beransah ke taji nyemilu tisi lancam disimbang. Tukang kebat udu beselalat nanchang kebat taji ringkang.

Sida ke betuie selalu nangi enggai ke rugi ambis puku kerepai puang.

Sida ke ngemata, leboh bejaku bernaing nyawa, laban udah dipanjah setin beer, disua ringgit wang bunga mata wang.

Bala tuai rumah kerah-kerah enda ngasuh mantah perintah enggai ke terap rebah keluar gelanggang.

Tuai Sabung – nadai ba menalan tang mending ari jauh ngena talipon lalu meri pemutus ba surat khabar.

Manuk Sabung – manuk Iban.

§ Entaruh ke depelaban – Maruah Bansa Dayak & Future of the Dayak.

§ Puku belanja dikena betui – Reta pesaka bansa Dayak – tanah temuda, bali rimba.

Pemutus: Manuk Iban menang – Manuk Iban alah

§ Entaruh anggau Tuie pulai ngagai Tuai sabung & konco – konco

§ Iban gaga mai bangkai manuk dikena tabas ngirup cap langkau & sadin rimau.

§ Tuai sabung & bala kaki sabung bukai ricah rami…lalu merambu ni maya nyabung baru.